Aibawk Zone Football Tournament vawi 19-na chu vawiin chawhma khan Phulpui khelmualah Parliamentary Secretary Pu K.S.Thanga’n a hawng.

Aibawk Zone khaw 13 atanga team 14 telna Football Tournament hi hawngin Pu K.S. Thanga chuan football hi eizawnna tling, tumruhna nei a khel mi te tan chuan dinchhuahpui tham a ni tih hairual a ni ta lova; hlawhtlinna bulpui - tumruhna (detremination), inthununna (discipline) leh inpekna (dedication) - nena phurh chhuah chi a ni, a ti. Parliamentray Secretary chuan a MLA Fund hmang tangkaiin Sateek leh Aibawk Zone te tan ‘MLA Running Trophy’ buatsaih a nih tur thu a sawi a. Cathc Them Young policy chu Sateek tlangdung khuate pawh hian a tam thei ang ber chhawr tangkai ve se a duh thu sawiin a theihna apianga tanpuina pawh ngaihtuahpui a inhuam thu a saw a ni.

He Tournament hi Group 4 ah thenin, November ni 29, 2011 (Thawhlehni) hian Final khelh a ni ang.