Vawiin chawhnu dar 1 ah tanin Chief Minister Conference Hall-ah Pu Lal Thanzara, Parliamentary Secretary to Chief Minister Chairman na hnuai ah Sub Committee on Fire Prevention meeting neih a ni. Chairman chuan Committee Member te a hun taka committee an kal avangin lawmthu a hrilh.

Chairman hova meeting chuan kum 2012 Fire Prevention week chu January chawlhkar hnihna atanga neih tan turin State Level Committee ah chhawp chhuah nise tiin a rel a ni. Kum 2012 lo hal hun chu March 15 aia tlai lovah lo hal vek tura khaw tinte hriattir turin State Level Committee ah chhawpchhuah nise a ti bawk. Fire Prevention Campaign/training pawh District tin ah nei turin State Level Committee in hriattir nise tiin a rel bawk. Kum danga kan tih thin ang a kang mei lak a inven pawimawhzia chungchanga thu ziak tha te hnenah lawmman siam sak leh nise tih a rel bawk . State Level Fire Prevention Committee in Inter Village Council tournament ah awareness campaign tha zawk a awm theih nan Rs. 3,00,000/- sponsore nise tih a rel bawk. State Level Fire Prevention hmingin Fire Services Department ten nikum a an thawh thatna ah appreciation siam sakin kumin ah pawh theihtawp chhuah leh turin ngen nise tih a rel bawk. Kang mei ven chungchangah vanduaina tawkte an awm chuan District tin DC ten zangnadawmna siam sak turin State Level Committee in hriattir nise, chu bakah kangmei ven nana hmang tangkai turin NREGS te pawh hman leh tur a DC tin te hriattir leh nise tih a ni.