2752/2026-2027

AIZAWL, the 21st October, 2026: Vawiin khan BNRGSK Hall, Aibawkah Convener, SLBC te huaihawtin ‘Saturation Campaign of Financial Inclusion (Fi) Schemes at Gram Panchayat Level’ chu Aizawl District hnuaia Aibawk Block-ah hman a ni a. He Saturation campaign hian 21st October 2026 atanga 31st December 2026 thleng a awh ang. He Saturation campaign hi Pi Shivani Mohan, IAS SDC Aizawl District chuan tlangzarhin, Aibawk RD Block BDO Pu VL Chaka Hmar pawhin programme hi a telpui a ni.

Pu T. Lhungdim, General Manager & OiC RBI,Pu Muanzova Duhlian convener SLBC & Regional Manager SBI ten India khua leh tui te tana Bank hrang hrang kaltlanga in hamthatna scheme awm hrang hrang te sawifiahna hun an hmang a.

Pu V. Lalrinmawia, Senior Manager(FI) MRB Head Office pawhin thu sawina hnu hmangin, Saturation Campaign in a tum ber chu Bank hrang hrang kaltlanga Sawrkarin mipui te tana hamthatna tur scheme hrang hrang a duan te,mipui mimir hrilhfiah a, an banphaka chhawp sak hi a ni, a ti. Mipui ten an chanvo dik tak an chan theih nan Bank chuan a puih theih reng thu sawiin, Mipui te hmathatna tura Sawrkar laipuiin a duan heng Insurance scheme hrang hrang: PMJDY, PMJJBY,PMSBY, APY te a sawifiah nghal bawk.

Vawiin programme-ah hian zawhna leh chhanna hun (Question & Answer session) zeh tel niin, heng hunah hian mipuite lam atanga zawhna awmte chu Bank official ten chipchiar takin an hrialhfiah nghal zel a ni. Mipui ten Bank Account hawn, Insurance a inziahluh te a hmuna an tih theih nan Bank hrang hrangte chu vawiin programme-ah hian an inchhawpchhuak a. Hei hi SHG member leh mipui mimirin an hlutin an chhawr tangkai hle a ni.
 Aibawk khawtlang aiawhin Pu Lianhmingthanga VCP, Aibawk leh NGO hrang hrang YMA, MHIP, MUP  aiawh ten thutawi sawina hun an hmang theuh bawk a ni.