2753/2026-2027

Dated Khawzawl, the 21st October, 2026 : Vawiin khan Khawzawl Deputy Commissioner Pu K. Vanlalthiana hovin October 21 - December 31, 2026 chhunga neih tur ‘Saturation Campaign on Financial Inclusion Schemes at Gram Panchayat Level’ hawnna DC Conference Hall-ah neih a ni.

Khawzawl DC Pu K. Vanlalthiana chuan mipuiten chhiat an tawha hamthatna an dawn theihna tur financial inclusion scheme hrang hrang thehdarhna campaign neih a ni tur chu lawmawm a tih thu a sawi a. Financial inclusion scheme-te hi hre lo an la tam hle a, he campaign kaltlangin mipui tam zawkin hamthatna an dawn theihte an hriata tangkai taka hmasawnna atan an hman a beisei thu a sawi.

He campaign hi Ministry of Finance, Government of India bultum niin, a tum ber chu financial inclusion scheme hrang hrang - PMJDY, PMJJBY, PMSBY leh APY te chu thingtlang khaw tina thlen a ni a. He campaign chhung hian a hnuaia hmalakna te hi kalpui tura ruahman a ni -

1) Pradhan Mantri Jeevan Jyoti Bima Yojana (PMJJBY), Pradhan Mantri Suraksha Bima Yojana (PMSBY) leh Atal Pension Yojana (APY) zawm duh te inziah luh.

2) Account leh Aadhar number thlunzawm.

3) Pradhan Mantri Jan Dhan Yojana (PMJDY) hnuaia bank account hawn.

4) Mi harsa zawkte tan bank account-a pawisa dah ngai lova PMJDY bank account hawn (Zero balance account)

5) Hman tawh loh PMJDY bank account-te hman leh a nih theih nana tih nun.

6) PMJDY leh saving account dang neite KYC document te endik leh tihfel (Re-KYC)

7) Account- a C-KYC ID la awm lohna zawng zawngah C- KYC ID siam/tihfel.

8) Thih palha aiawh tu tur (nomination) account-a dah chungchang.

9) Financial Inclusion (FI) Scheme hrang hrang leh inbumna chungchanga mipuite hriattirna leh inzirtirna buatsaih.

Vawiin hunah hian Champhai Lead District Manager, SBI, MCAB, MRB Manager-te, BDO, DIPRO, Joint VC, Sub-Htqrs YMA, MHIP, MUP hotute an tel a ni.