2754/2026-2027

Lawngtlai, the 21st October, 2026 : Vawiin chawhma dar 11:00 AM khan District Disaster Management Authority, Lawngtlai District buatsaihin DC Conference Hall -ah 'Training on Hospital Safety' (under Disaster Management & Rehabilitation) neih a ni a. Bawrhsap leh Chairman, DDMA nibawk Pu Donny Lalruatsanga chuan training hi a hmanpuiin, Pi TT Beikhaizi, Addl.DC & CEO, DDMA chuan hun a kaihhruai.

Pu Donny Lalruatsanga chuan 'Training' tura kalkhawmte hnenah  lawmthu a sawi a. Disaster Management & Rehabilitation hnuaiah Training- neih that  a pawimawh em em a 'Training on First respond Team' leh 'Training on School Safety' buatsaih ni tawh bawkin kumin chhungin Traning hrang hrang kalpui zel a ni ang a ti. Chiatna hi mihring siamte awm ve bawk mahse a tam zawk hi chu mihringte thu neihna piah lam a ni a, eng chhiatna pawh lo thlen se, him tlan hi Disaster Management Authority thil tum ber  a ni, a ti. Khuarel chhiatna lo thlen thulha  chet dan tur leh kan himna turin training nei thin a ni tiin, a bik takin Institution hrang hrangte ngaihpawimawh zual a tul hle a ti. Bawrhsap chuan chhiatna lo thlenin Damlote himna ngaihpawimawh hmasak ber a tul a, chutianga hmala thei tur chuan training tha tak neih a tul a ri. Zirna In leh Damdawi In hi kangmei lakah a him tawk tur a ni a, chhiatna laka lo inven dan tur pawh ngaihpawimawh a tul thu a sawi. Bawrhsap chuan Traning hlawk tak hmang theuh turin duhsakna a hlan nghal bawk.

Vawiin Training-ah hian Pi Merilyne Msmawii Belho chuan Type of Disaster, Disaster Management, Phase of Disaster Management, Safe Hospital Programme, Key Pillar of Hospital Safety- National Patient Safety Implementation Framework, Public Health & Quality Assurance Standards, Hospital Disaster & Structural Safety Guidelines, Objectives Of Disaster Management Plan chungchangah Power Point Presentation - pein zawhna leh chhanna hun hman nghal a ni.

'Training on Hospital Safety' ah hian CMO, Medical Superintendent leh Staff Nurse pakhat, District Hospital; Director leh Staff Nurse pakhat Christian Hospital; Principal leh staff pakhat, LCMC, ANM School leh LCMC Nursing School, Lawngtlai atangin an tel thei a. Pu Lalhruaizela, SDC chuan lawmthu sawiin training hun hi a khar.