2755/2026-2027

Lawngtlai, 21st October 2026 : Vawiin khan Lead Bank Office (SBI) Lawngtlai bultumin 'Financial Inclusion Saturation Campaign' hawnna Bethel Veng Anganwadi Centre kawtah neih a ni a. Lawngtlai bawrhsap Pu Donny Lalruatsanga chuan a hawng.

Pu Donny Lalruatsanga chuan kalkhawmte chibai bukin mipuiten hlawh taka an chhawr tangkai tura 'Financial Inclusion Saturation Campaign' a hawn thu a sawi a. Bank kaltlanga mipuiten hamthatna kawng hrang hrang an neihte an hriatchian a tul hle a, chutiang tura hmalakna lian tak a nih angin a pawimawh em em a ni. A bik takin Bank kaltlanga schemes hrang hrangte inhrilhriatna hun hlu tak a ni a, mipuiten uluk taka ngaihthlak a pawimawh em em tiin, zawhna an neihte pawh inthlahrung loa zawt turin a ngen nghal bawk a ni.

Pu PC. Lalchuailova, Lead Bank Manager, chuan campaign neih chhan tlangpui sawizauna a nei a. Pradhan Mantri Jan-Dhan Yojana (PMJDY), Pradhan Mantri Suraksha Bima Yojana (PMSDY), Pradhan Mantri Jeevan Jyoti Bima Yojana (PMJJBY), leh Atal Pension Yojana (APY) chungchangah zirtirna a pe nghal a ni.

Financial Inclusion Saturation Campaign - ah hian Bank hrang hrang aiawh lokalin, mipuite nen zawhna leh chhanna hun hlawk tak hman a ni a. A duh tan PMJDY, PMSDY, PMJJBY leh APY - ah te Account hawnsak nghal an ni.