Ni 24, July 2016 hian MBBS leh BDS zir tumte tan CBSE chuan Pachhunga University College ah AIPMT NEET (II) - Exam a buatsaih dawn a. NEET I exam neih tumin Candidate te'n thil an hriat chian tawk loh avangin harsatna a awm a, chuvang chuan Exam turte chuan Admit Card a hriattur tul inziakte leh information an dawn tawh te zawm theuh turin hriattir an ni. Chung te chu a tlangpui hetiang a ni:

1.    In Report hun : Exam tur zawng zawng Metal detector nen uluk tak a check tur a nih avang in zing dar 7:30 - 8:30 aia tlai lovah PUC ah hian in report tur a ni. Zing dar 9:30 atangin Gate khar a ni ang a, tumah luh theih a ni lo ang.

2.   Exam Hall a ken luh tur te:

(i)        Admit card

(ii)      Postcard Size Photograph pakhat, a bel na Form a in bel sa.

(iii)     Passport size photograph pakhat, attendance sheet a bel tur.

CBSE notice angin candidate te bungraw ven him hi centre mawhphurhna anih loh avangin candidate te chu exam-na a ken tur tul chauh keng a, CBSE-in inchei dan tur a tih ang thlap a kal mai tur a ni.

 3.  Exam Hall a ken luh theihloh thil te:

Sana (wrist watch), tui bottle, mobile phone, wallet, lehkha them, bengbeh, hnarbeh, thi leh thir lam chi reng reng ken luh awih a ni lo.

4.  Incheina :

Kawr ban bul (half sleeves )hak tur a ni. Shawl, Jacket leh kawrlum hak phal a ni lo. Candidate te chuan chapal (sandals) emaw slipper emaw chauh bun phal a ni. Pheikhawk ke khuh thei chi bun awih a ni lo.

5.    Lirthei : PUC Campus-ah lirthei ken luh phal a ni dawn lova PUC

Campus gate chhak leh College Veng Field-ah emaw lirthei dah mai tur a
ni.