3874/2022-2023
Aizawl, the 16th September 2023 : Vawiin khan Pu Lalramsanga Sailo, Secretary, Labour, Employment, Skill Development & Entrepreneurship, Office Chamber ah Air Force sipai – Agnipath Scheme Agniveervayu lakna atana Registration kaihhnawiha chungchangte, Mizo thalai tam zawkin he scheme an hmelhriata, he hna chungchang an hriatzau thei nana awareness tih theih dante sawiho a ni.

Meeting ah hian Guwahati a Air Force lakna hmunpui, 11 Airmen Selection Centre, IAF a Wing Commander S Shanmugam chuan Air Force sipai lak dan chungchang, Agniveerjayu sawizau in, Mizo thalai tam thei ang berin he hna/scheme hi an hmelhriat a tul dante sawiin hemi chungchanga awareness pekna kawnga State Sawrkar thawhpui an duh thu a sawi a. Meeting ah hian awareness pek dan kang hrang hrang te sawiho a ni bawk.

Meeting ah hian LESDE, School Education, Higher & Technical Education, Sainik Welfare & Resettlement leh Information & Public Relations Department aiawhte an tel a ni.

Tunhnai khan Indian Air Force (IAF) chuan Agnipath Scheme hnuaia Agniveervayu lakna tur a tichhuak a. Hemi atana online inziahluhna chu March ni 17 atangaa hawn tan niin March ni 31 ah online registration hi  a khar a ni dawn a. Hemi chungchang hrechiang duh leh he scheme hnuaia Air Force sipai dil duh te chuan  agnipathvayu.cdac.in a in register theih a ni. Thalai (hmeichhia tiamin), Pawl 12 pass, kum 17-21 inkar tan he hna hi dil theih a ni.

Attachment

  • Loading attachment...