3873/2022-2023
Lunglei the 16th March' 2023: Ministry of Home Affairs, Government of India ina Annual Ranking of Police Stations 2022 a neihah ‘Best Police Station of Mizoram 2022’ atana a thlanchhuah Lunglei Police Station chawimawina hun chu vawiin khan SP Conference Hall, Lunglei ah Pu H. Ramthlengliana, IPS, Deputy Inspector General of Police (Southern Range) hovin hman a ni.

Pu H. Ramthlengliana, IPS, Deputy Inspector General of Police (Southern Range) chuan Inspector Pu LP Zohmangaiha, Officer In Charge, Lunglei Police Station hnenah chawimawina Certificate of Excellence a hlan a. He Certificate hi India Home Minister Amit Shah leh Home Secretary Ajay Kumar Bhalla ten an sign a ni.

Mizoram Police Station tha ber chawimawina hun hi Pu Rahul Alwal, IPS, Superintendent of Police, Lunglei chuan kaihruaiin Pu H. Ramthlengliana, DIG chuan Mizoram Police Station 2022 tha ber ah Lunglei Police Station thlan a ni chu thinlung takin a lawmpui a, Lunglei Police Station O/C leh a thawhpui te thawhrimna leh hmalakna te chu fakawm a tih thu a sawi. DGP, Officers leh Mizoram Police chhungkua in an lawmpui thu a sawi bawk. Ministry of Home Affairs, Government of India chuan Police Station hnathawh te chu tehfung hrang hrang a teh anih hnu ah Lunglei Police Station chu Mizoram a Police Station tha ber a thlan a nih thu sawiin mipui te tana rawngbawltu kan nih angin Police Station te hi mipui te tan zalenna leh ngampatna bakah an duh zawng sawi theihna hmun ni se, mipui tana thil tha te chu tih chhunzawm zel turin a chah a ni. Mipui te lo ngaihsak a lo tanpui hi kan tih tur a ni a, malsawmna dawng tlak khawp a theih pa tawp chhuah theuh a Police Station tha ber ni chhunzawm zel tur a hma la turin duh a ni. Lunglei SP Office pawh Mizoram a District Office tha ber ni tur a tan la turin a chah bawk a ni.

Lunglei Police Station Officer Incharge Inspector LP. Zohmangaiha pawh in thu sawiin hetiang dinhmun ding thei tur hian ama mimal tih theih a ni lova Lunglei Police Station a thawk tu te thawpui na leh lungrual taka an thawh ho na vang a nih thu a sawi a ni.

Pu C. Lalfakmawia, MPS, Addl. Superintendent of Police, Lunglei chuan lawmthu sawina a nei a ni.