Mizoram sawrkar chuan Ni 19th January, 2017 (Ningani) hian ‘Hah Tak leh Rim Taka Thawk Chungin Kan Ei Zawk A Ni’ (II Thess 3:8) tih thupui hmangin Lal Thanhawla Auditorium-ah Kut Hnathawktute Ni 2017-cum-Workshop on NEDP a hmang dawn.

Mizoram Chief Minister Pu Lal Thanhawla khuallian a ni ang a, Home Minister Pu R. Lalzirliana chu khual zahawm a ni ang. Pu Lalmalsawma, Chief Secretary, Govt. of Mizoram in programme a kaihruai ang a. Programme hrang hrang thusawi leh special item leh NLUP hlawhtlin puitute thusawite ngaihthlak a ni bawk ang a. Pu James Lalrinchhana, Secretary in lawmthu a sawi ang.

Chawhnu dar 1:30 atangin Workshop on NEDP Pu H. Liansailova, Vice Chairman, State Planning Board kaihhruaina in neih zui nghal tur a ni a. Khuallian Pu Lal Thanhawla, Chief Minister leh Khual zahawm te Pu R. Lalzirliana, Home Minister leh Pu Lalsawta, Finance Minister te hnen atangin thusawi ngaihthlak a ni ang. Thusawi bakah NEDP chungchang sawihona neih zui nghal tur a ni a. Hun tawpah Dr. C. Vanlalramsanga, Secretary, Planning in lawmthu sawiin a khar ang.