1981/2024-2025

Aizawl, 10.09.2024: Tukin khan ‘Intensified IEC Campaign - India Fight Against HIV/AIDS & STI’ pualin zirlai ten Aizawl khawpui chhungah kawng an zawh a. HIV/AIDS leh mipat hmeichhiatna atanga natna inkawichhawn theih (Sexually transmitted diseases) laka fihlim turin leh an nun uluk turin rinawmna thu an tiam a ni. He kawng zawh (rally) hi District AIDS Prevention & Control Campaign, Aizawl District buatsaih a ni.

HIV/AIDS leh Sexually Transmitted Infections (STI) tirem tura hmalakna hrang hrang zingah heng thalaite zinga natnain nun a khawihchhiat theih dan leh inkaidarh theih dan te inhrilhrhiat a, fimkhur tura inzirtir chu ngaihpawimawh lian tak a ni a. Chumi kal zelah chuan he rally hi buatsaih a ni a. district hrang hrangah neih nin, tukin a Aizawl a rally ah hian hmun hnih - Sikulpuikawn leh chanmari kawn atangin zirlaiten thuziak (placard) kengin kawng an zawh a. Vanapa Hall kawta intawkkhawm in, hun tawp siam a ni.

Dr. Lalbiaksiami, Sr. Chief Medical Officer leh DAPCC Vice-Chairman ni bawk chuan Sikulpuikawn atanga chhuak turte hi vailiam in, Dr. Lalparliani, Sr. Chief Medical Officer & Vice Chairman, DAPCC vekin Chanmari point atanga chhuak te hi a vailiam bawk a. Vanapa Hall kawtah hian Dr. R. Lalnienga, Dy. Chief Medical officer leh DAP&CC Member Secretary ni bawk chuan zirlaite chu ruihhlo leh nupui pasal neih hmaa mipat hmeichhiatna laka fihlim tura an intiamna (pledge) a kaihruai a ni.

He Rally ah hian zirna in 40 chuang atangin zirlai thehnem tak an tel a. Ruihhlo ngaite enkawlna institution hrang hrang atangin an tel bawk a ni.