Vawiin International Olympic Day pualin Mizoram State Olympic Association (MSOA) leh Mizoram State Sports Council te tangkawp chuan tukin zingkar khan Olympic Day Long Distance Running an huaihawt a, Sports Minister leh MSOA Sr Vice President ni bawk Pu Zodintluanga’n a hmanpui.
Bawngkawn atanga Lammual thlenga tlan kharna Lammual-a neih ah Minister chuan thu tawi sawiin International Olympic Committee chuan Olympic meichher a nun reng theih nan he ni ah programme a buatsaih thin thu a sawi a, MSOA leh Mizoram sawrkar pawhin ngaipawimawhin khawvela infiamnaa inelna ropui ber Olympic ah Mizo thalai te an tel ve theih nan theihtawpin hma a la mek a ni, a ti.
Olympic Day Long Distance Running kharna inkhawm hi Parliamentary Secretary Pu Hmingdailova Khiangte-in a kaihruai a, Long Distance Running-a ti tha heng mi te hnenah hian lawmman sem a ni bawk
Mipa
Pakhatna - Vanlalpeka, Lunglei Ramthar - Rs 5,000
Pahnihna - K.Malsawmkima, Saiha - Rs 3,000
Pathumna - Laldawngkima, Saikhamakawn - Rs 2,000
Hmeichhhia
Pakhatna - Krawshmangaihsangi, SAI - Rs 5,000
Pahnihna - Lalnuntluangi, Lunglei Athletics - Rs 3,000
Pathumna - Lalrinthari, Kolasib Hockey - Rs 2,000
Tukin zinga tlan te zinga mipa leh hmeichhiaa naupang ber Benjamin Lallawmkima, kum 11, Lawipu leh Mimi Vanlalthazuali, kum 5 1/2, Chanmari West te hnenah special prize hlan an ni bawk. Tukin zinga tlan te hi an thahnem hle a, kharna hun hi Sports Secretary Pu Zothankhuma leh Director Pu Zothanmawia te bakah Sports Association hrang hrang hotu ten an hmanpui bawk a ni.
