Pu R.S.Virdi, General Manager, Northeast Frontier Railway, Construction chuan vawiin tlai khan Mizoram Chief Secretary Pu Lalmalsawma chu a office chamber ah a hmu a, Bairabi-Sairang rel kawng siam hna thawh mek chungchangah chak zawka hmalak a nih theih nan office hmun tur leh an mamawh dang te a hnenah a thlen a. Mizoram chhim tawp Hmawngbuchhuah thlenga rel kawng siam tura survey hna an thawh mek thu te a sawi lang bawk. Chief Secretary chuan rel kawng siam hna chu chak taka kalpui a nih theih nan Mizoram Sawrkar pawhin theihtawp a chhuah thu te a lo hrilh a ni. Railways hotu te ruahman ang chuan Bairabi-Sairang rel kawng siam hna hi March 2018 ah zawh fel hman tura beisei a ni.

N.F.Railway General Manager hian naktuk ah Governor a hmu a ang a, Sairang Railway Station leh Broadgauge Line te a hmunah a enfiah bawk dawn a ni.

N.F.Railway General Manager hi Pu A.S.Garud, Chief Administrative Officer, N.F.Railway (Const), Pu B.Ashok, Chief Engineer, N.F.Railway (Const) leh railways hotu dang ten an tawiawm a ni.