2901/2025-2026

AIZAWL; the 14th January, 2026: Vawiin khan DC Pisapui Hall-ah PM Vishwakarma Scheme Awareness Programme huaihawt niin, he Awareness Programme-ah hian Er Lalhriatpuia IAS, Deputy Commissioner, Aizawl District chuan Chief Guest niin hun a hman pui.

He hunah hian thu sawiin, khuallian Pu Hriatpuia chuan tualchhung kut themthiam(local artisan) te tan PM Vishwakarma Scheme hnuaiah hian component hrang hrang: training, tool kit leh loan component te a awm a.He scheme hmang hian eizawnna ngelnghet, mahni mai nilo chhungkua leh tu chhuan te thlenga intundin nan an hman theihna tur a nih avangin khuallian chuan tualchhung kut themthiam te chu PM VS hi dil vek a, hmangkai turin a sawm.

Vawiin programme-ah hian artisans thahnem tak telin, PM Vishwakarma Scheme chungchang te ,Digital Marketing, financial/digital literacy, Financial Literacy, Advertising and Packaging Promotion, QR Code generation leh topic dang hrang hrang te zirho a ni.

Local artisan te bakah vawiin programme-ah hian  Pi H Lalchhandami, Joint Secretary, Commerce & Industries Department, Pu Zoramsiama Hmar, Addl. Deputy Commissioner, Aizawl District, Pi Laldinpuii, District Commerce & Industries Officer, Pi H Lalramchhani, Lead District Manager leh MSME, PMU- PM Vishwakarma, State Cell te an tel a ni.