2900/2025-2026

Dated Serchhip, the 14th January, 2025: Vawiin khan Serchhip DC Pisapui Hall ah Serchhip District Agriculture Marketing Committee (DAMC) hnuaia Supervisor te tan training buatsaih a ni a. Additional DC Pu Lalrinzuala’n a hawng.

Additional DC chuan SCC mawhphurhna siam thar a nih thu sawiin, Supervisor te chu mawhphurhna pawimawh tak pek an ni a, co-ordinatorte nena thawh hona tha tak an neih a tul thu a sawi bawk. Sawrkar chuan sawhthing hralh hun chhung hi chuan mahni hna pangngai aiin Handholding hi ngaihpawimawh rih zawk tura sawrkarin a beisei thu sawiin, Supervisor te hriatpuina ngeia sawhthing hi hralhchhuah thin tur a beisei anni tih a sawi bawk.

Dr C Vanlalchhanhimi, SDC chuan Thlai Thar Market (Bana Kaih) Scheme hnuaia thlai thlanchhuah- sawhthing lei leh hralh dan tur te, Mizoram Agriculture Marketing Board (MAMB)-in inkaihhruaina a siam te, sawhthing lilam dan kalhmang te leh a kaihhnawih thil pawimawh dangte a sawifiah a. Pu PC Vanneia, DES, MzSRLM, Serchhip chuan sum leh pai chetvel dan chhinchhiah dan tur te, audit chungchang te leh account vawn dan te a zirtir a. Pi Hannah L. Betlu, ADHO, Serchhip chuan sawhthing vawn that dan tur leh sawngbawl dan te a zirtir a ni.

Serchhip DAMC hnuaiah hian Supervisor atan   Serchhip District chhunga Department hrang hranga Head of Office te leh officer te ruat an ni.