3665/2023-2024

5.2.2024: Vawiin khan DC Conference Room ah Rashtriya Gram Swaraj Abhiyan (RGSA) sensitization meeting neih a ni a. Khawtlang hruaitute an thuamchak a, khawtlang mipui tana tangkai zawka hma lak theih dan tura he scheme kaihhnawih department hrang hrang aiawhte an tel a ni.

Rashtriya Gram Swaraj Abhiyan (RGSA) hi Centrally Sponsored Scheme (CSS) a ni a. RGSA hian a tum ber chu mipui aiawha thlan tlin khawtlang hruaitute thiamna leh theihna te tipunga thuamchak tur te, resources awm sa tangkai taka hman theih dan ngaihtuah chhuah kawngah te leh rampum huapa scheme pawimawh tak takte tihhlawhtling thei turleh anmahni dehchhuah, sum hailuhna an hmuh theihna atana tuai hriam te a ni a.

He sensitization meeting hi Pi Dorothy Muansangi DLAI, Aizawl District chuan a kaihruai a. Dr. Rosangpuia State Panchayat Resource Centre faculty chuan presentation a pe a. He meeting-ah hian Department hrang hrangten Scheme hrang hrang kaltlanga Sustainable Development Goals a hlawhtlin theih nan, hemi hawi zawnga hna thlan kawngah leh thawhhona tha neih a nih theihna tur te, hmasawnna khairual tur chuan VC te hi kut leh ke ber an nih avangin, khawtlang hmasawnna awm thei te hrilhhriat kawngah leh inrawn tlanna tam zawk a awm theih nan tan hma lak nise an ti bawk.

RGSA hi Central sorkara NITI Aayog rawtna bawhzuiin, Sustainable Development Goals (SDG) tihlawhtling tur chuan tualchhung sorkar te an pawimawh tih hriain, Prime Minister chuan ni 24 April, 2024 khan he scheme hi tlangzarh a. Revamped RGSA hi sorkar laipui chuan ni 13.4.2023 khan duangchhuakin, hei hian 1.4.2022 atanga 31.3.2026 thleng a huam ang. Budget pawh Rs. 5911 crore niin, central share chu Rs. 3700 crore niin, state share ah Rs. 2211 crore dah a ni.

RGSA kaltlang hian Mizoramah Panchayat Bhawan (VC House) 150 sak tawh niin, 93 chu thawmthat (repair) an ni tawh a; VC 243 hnenah desktop computer semchhuah tawh niin, Common Service Centre pawh hmun 15 ah din a ni tawh bawk. State Panchayat Resource Centre (SPRC) chu SIRD&PR Complex, Durtlangah din ni tawhin, District Panchayat Resource Centre (DPRC) chu district pali (4) ah din a ni tawh a, tunah hian district thar pathum (3)- Saitual, Hnahthial & Khawzawlah te sak hna thawh mek a ni, RGSA kaltlangin ei leh bar intodelhna kawngah leh tualchhung miten eizawnna ngelnghet an neih theihnan, projectpathum kalpui mek a ni a:

(i) Arecanut Leaf Plate Production Centre, Bilkhawthlir, Kolasib district: Rs. 49.00 lakh

(ii) Rural Homestay and Agro Tourism Project at Tuipui D, Hnahthial District: Rs. 84.00 lakh

(iii) Handloom Design Training-cum-Production Centre at Thenzawl, Serchhip District: Rs. 141.23 lakh

RGSA hnuaiah LAD leh SIRD&PR tangkawp chuan kum kalta chhung khan training hrang hrang batch 91 neih niin, mi 3118 laiin training hi an nei a ni.