3666/2023-2024

Aizawl 5th February, 2024 : Vawiin khan MINECO Secretariat Conference Hall-ah Excise & Narcotics Minister Pu Lalnghinglova Hmar, Department hotute leh Central KTP hruaitute thukhawmin kumin February Ni 29 atanga March Ni 3 thlenga KTP General Conference Ngopa a neih turah zu leh ruihhlo do-na kawnga hmalak tlan dan tur sawiho a ni.

Meeting-ah hian KTP chu member tam ber an nih angin thalai tam tak he hunah hian an fuankhawm dawn a. Chuvangin he General Conference hi thalaite, zu leh ruihhlo laka fihlim tur a infuihna hun a tan hman theih nise tih a ni a. Kan ram zu leh ruihhlo-in min run dan he conference a Member kalte'n an hriat theih nan a theih ang anga Programme hmanna-a thusawina-ah te zeh tel dan turah ngaihtuahna seng turin Excise hotute hian KTP hruaitute hnenah hian an ngen a ni.

Ruihhlo avanga kan thalai, a bik takin thalai mipa kan thih nasatzia leh zu leh ruihhlo avanga kan tuar dan statistics te sawi uar a, tun aia a do kawngah tan kan lak a ngaih thu member te hrilh uar zel turin Excise Department hotute hian an ngen bawk a ni.

Vawiin meeting-ah hian zu leh ruihhlo dang avanga mitthi kan neih dan leh excise department hmalakna a ruihhlo an man dan statistics KTP hruaitute hnenah hian an hlan a ni.

Meeting-ah hian Excise and Narcotics Commissioner, Jt. Commissioner leh Dy. Commissioner bakah Central KTP hruaitute an tel tha hle a ni.