3664/2023-2024

Khawzawl, 5th February 2024: Photo Electoral Roll Special Summary Revision 2024 neih mek chungchangah vawiin khan Saitual, Khawzawl leh Champhai District te Electoral Roll Observer Pi Lalzarmawii, Commissioner & Secretary, Animal Husbandry & Veterinary Department chuan Khawzawl a tlawh a, election official-te meeting a neihpui.

Khawzawl DC Conference Hall-a inkawmhonaah hian Pi Lalzarmawii chuan Khawzawl District chu MLA Inthlanpui 2023 puala Roll Revision neih anih lai khan Electoral Roll Observer anga a lo tlawh tawh thu a sawi a. Electoral Roll felfai, tluantling leh hrisel tak nei turin Election Official te mai bakah Political Party leh tlawmngai pawl te thawhhona a pawimawh a ni, a ti. Electoral Roll chu engtik lai pawha che reng, ziah luh thar leh paih awm reng anih angin, roll a chuang tur dik tak te ziah luh a pawimawh zia a sawi bawk.

Electoral Roll Observer hian 22/3 Khawzawl Darngawn leh 22/4 Khawzawl Lungvar Polling Station a tlawh a, meeting zawh hian Champhai a pan a ni.

Electoral Roll Observer hova meeting-ah hian Kolasib District Deputy Election Officer Pu Lalfakzuala chuan Khawzawl District dinhmun tlangpui te sawifiahin, Inthlanpui neih zawh takah 22-Tuichang bialah vote za zela 84.49% tlain hei hi kum 2018 inthlanpuia vote tla (80.07%) aiin za zela panga dawn laiin vote tla a tam zawk a, vote tla zat pung hi thil chhinchhiahtlak tak nia a hriat thu a sawi bawk a ni.

Khawzawl District Election Officer Pu Timothy R. Lalhmangaiha chuan he hunah hian Khawzawl District chhunga draft electoral roll dinhmun leh special summary revision neih meka hma lakna tlangpui a sawifiah a. Khawzawl District Administration hnuaiah hian Assembly Constituency/ Segment pakhat  22-Tuichang a awm a. India khua leh tui kum 18 tling chin, January ni 1, 2006 leh a hma lama piang electoral roll-a inziah luh thar, paih, insawn leh siam ?hat duhte tana January ni 22, 2024 thleng hun hawnah dilna (Form 6, Form 7 leh Form 8) 352 a lut a. Dilna 342 te hi pawm sak an ni. February ni 8, 2024-ah hian final electoral roll chu tar chhuah tura ruahman a ni.