No.4170/2021-2022
Dated Aizawl the 3rd March, 2022: Aizawl Bawrhsap Dr. Lalhriatzuali Ralte kaihhruaina in District TPT Committee hmasa ber Dt. 01.03.2022 khan neih a ni a. He committee ah hian CMO(East & West), Specialist Doctor te bakah CYMA leh MHIP aiawh te an tel a. He meeting hian a tarn thei ang ber mipuite hnena awareness pek ni se tiin a rel a. Chak taka hmalak a nih theih nan Committee peng hrang hrang pawn CMO te kaihhruaina hnuaia din tura ruahhmanna siam a ni.

National TB Elimination Programme (NTEP) kaltlangin Prime Minister Narendra Modi chuan kum 2025 ah India rama TB umbo (End TB at 2025) a puang a. Hemi denchhen hian Central TB Division chuan TB Preventive Treatment (TPT) kalpui dan tur ruahmanna a rawn siam a. Hei hi Mizoram District zawng zawngah Deputy Commissioner (DC) te Chairman-na hnuaiah committee din a ni.

TB Preventive Treatment (TPT) in a tum ber chu TB natna vei thei dinhmuna ding te (TB Natna vei chenpui leh HIV positive te) TB natna an kai lohna tura enkawlna pek a ni. HIV positive bikah TPT hian zaah 60-90 laiin TB vei theihna a ti hniam thei a ni.

India hi khawvela TB natna kai tam ber ram kan ni a, kum tinin mi nuai 26 chuangin TB natna vei anga chhut kan ni. TB umbo a nih theih nan leh miin TB a kai loh nan he TB Preventive Treatment hi a la tur ten an lak ngei theih nan Aizawl District chhungah pawh Treatment hi pek tan a ni tawh a, mipuite pawhin a pawimawhzia hriaa ngaihven turin Committee chuan a ngen tak meuh meuh a ni.