3650/2022-2023
Aizawl, the 21st February, 2023: Central Jail Joint Visit chu Dr Lalhriatzuali Ralte, DC Aizawl kaihhruaina hnuaiah ni 21.02.23 khan neih a ni a. Hetah hian Pi Zarzokimi, IG Prisons, Pi Lalrochami Ralte, CJM Aizawl, Pu H.T. Lalmawizuala, JMFC, Dr Robert L Khawlhring, SNO Mental Health, Dr Laldinpuii Ralte, DIO, Pi Lalhlupuii Sailo, CEO MSDRB, Pi R. Lalrinzuali, SDC, Aizawl leh officials dangten an tawiawm a ni.

Special Supt Central Jail, Pu Zosangliana leh Medical Officer, Central Jail Dr. CT Lalruatkima ten an lo dawng sawng a ni.

Central Jail a harsatna hrang hrang leh hmalak theihna tur hrang hrang an sawiho a ni.

Central Jail capacity hi 436 a nih laiin tang mi 825 an awm mek a, Central women jail capacity hi 96 a nih laiin tang 214 an awm mek bawk. Jail a thawk zat leh tang zat atang hian indaihlohna a nasat zia hriat theih a ni a, a tul ang a UTP (under trial prisoner) te pawh an case a rang zawk a chinfel sak zel theih dan tur te sawiho a ni.

ND&PS Act hnuaia tang hi an tam ber a, ruihhlo kaihhnawih a harsatna siam an tam tih a tarlang bawk. Hemi avang hian Sorkar leh khawtlang pawhin hmalakna nasa zawk lak a ngaih thu sawiho a ni.

Jail tang chhuak, chhungte bul a letna tur nei lo leh harsa zawkte awm zawmna tur leh inenkawlna (rehabilitation) kawng sawiho a ni a, Mizoram Social Defence & Rehabilitaton Board te hmalakna leh scheme hrang hrang thlunzawm dan pawh sawiho a ni a, fel fai zawk a duan tura ruahman a ni.