3651/2022-2023
Aizawl, the 22nd February, 2023: Aizawl Day 133-na denchhena Aizawl Municipal Corporation, Department of Information and Public Relations, leh Mizoram Film Forum ten an buatsaih chu vawiin ni 22.2.2023, chawhma dar 11:00 khan Information & Public Relations Auditorium ah Pu Lalrinenga Sailo, Mayor, Aizawl Municipal Corporation chuan a hawng.

Hawnna inkhawmah hian Pu Lalrinenga Sailo, Mayor chuan, "Official taka Aizawl hi khuaa puan a nih champhaphak kum 133-na a lo thlen hian Aizawl mipuite chibai ka buk a, Aizawl khawpui mi nuai li singnga vel chen mekna hian hma a sawn zelna tur leh duat taka enkawl hi kan zavaia kovah a innghat a. Kum tinin Aizawl Day hi lawm tura ruahman a niin; a lawmna hmasaah hetianga Aizawl Day Film Festival buatsaih a ni hi lawmawm ka ti hle a ni," tiin Mizo film industry tan hetiang ang platform buatsaih zel hi AMC chuan a tum a ni. Film industry hi kan hnam, kan ram phochhuahna leh hna siamtu tha tak, mipuite min awmtleitu anih avangin chawi nun zel a ngai a ni," a ti bawk.

Film Festival hawnna hi Pu Lalawmpuia Khiangte, Chairman, Mizoram Film Forum chuan kaihruaiin Mizo film industry hmasawnna hrang hrang leh Bollywood lam thlenga Mizo lemchangmite an luh mek thu te a sawi a ni.

I&PR Dept leh Mizoram Film Forum Board of Director ten an telpui bawk a ni.

Aizawl Day Film Festival hian ni 24.2.2023 thleng a awh dawn a. Hemi chhung hian nitinin film chi hrang hrang tihchhuah thin a ni ang a, ni 24.2.2023 chawhnu dar 3:00 khian Pu C.Lalnunkima, MIS, Director, I&PR Dept in a khar ang.

Aizawl Day Film Festival hman chhunga programme tur chu a hnuaiah hian tarlan ani.

Aizawl Day Film Festival Programme.pdf

Attachment

  • Loading attachment...