3729/2023-2024

Aizawl, 8th February 2024: Kumin MP (Lok Sabha) inthlan neih tura Electoral Roll hman tur chu vawiin khan Aizawl bawrhsap Pi Nazuk Kumar, District Election Officer ni bawk chuan DC Confernce Hall-ah a tlangzarh. He Final Electoral Roll hi a Election Commission of India thuchhuak angin Mizoram pumah Photo Electoral Rolls Special Summary Revision, 2024 neih a nih hnu ah tlangzarh a ni. Electoral Roll ah hian January ni 1, 2024 a kum 18 tling chin thun a ni.

District Bawrhsap Pi Nazuk Kumar chuan Second Special Summary Revision of Photo Electoral Rolls, 2024 tluang tak leh hlawhtling taka neih theih nan a fimkhur tak leh thahnemngai taka thawktu ERO, AERO leh BLO, Local Council, V/C, Political Party-te leh tlawmngai pawl hrang hrangte leh Media te chungah lawmthu a sawi a. Tun hi MP inthlan kan hmachhawn leh mai tur atana bul kan tanna ah a ngaih theih a ni tiin, thawhhona tha tak nen a hma lakpuiah a sawm nawn leh a ni.

Aizawl District-ah Assembly Constituency 12 a awm a. Dt. 06.01.2024 - 22.01.2024 chhung khan hming thunluh ngai, paih ngai leh siamthat ngaite tan dilna hun hawn a ni a, heng dilna lutte hi ERO/AERO ten a hmunah kalin enfiahna neih a ni.

Tun tum Final Photo Electoral Rolls-ah hian voter 2,88,268 awmin, mipa 1,34,820 leh hmeichhia 1,53,448 an awm a. Draft Photo Electoral Roll atanga Final Photo Electoral Roll a Voter punna chu 1455 (0.51%) a ni. 15-Aizawl West-I (ST) AC ah voter punna percentage chu 0.97% niin a sang ber a, 18-Aizawl South-I (ST) AC ah voter zat hi -.0.05% in an tlem vet hung a ni.

Aizawl District chhunga Voter tlemna ber Polling Station chu 7/26- Chhanchhuahna Polling Station niin Voter 85 an awm a, Voter tamna ber chu 13/24-Zemabawk-VIII Polling Station niin Voter 1483 an awm.

Aizawl District-ah EPIC 100% coverage neih a ni a, Roll a chuang zawng zawngte EPIC issue vek an ni. Aizawl District huam chhunga Assembly Constituency 12-ah hian Polling Station 321 a awm a, average-a lakin Polling Station pakhat zelah Elector 898 awm ang an ni a. Aizawl District huam chhunga Assembly Constituency 12-ah hian Service Voter 1735 an awm a ni.

Election Commission of India-in ruahmanna a rawn siam angin, mi tu pawh Final Electoral Rolls hi lei duh chuan a soft copy (without photo) Rs. 100/- in leh a hard copy phek 1 Rs. 5/- zelin lei theih a ni. Amaherawhchu hard copy lei duhte chuan sawi lawk hmasak tur a ni a. A phek duh lai chauh lei theih a ni lo.