3730/2023-2024

Dated Saitual the 8th February 2024 : Vawiin khan Saitual District huam chhunga Assembly Constituency pathum 8-chalfilh, 9-Tawi leh 21-Lengteng te tan Special Summary Revision of Electoral Roll 2024 hmang a buatsaih, Final Electoral Rolls 2024 chu chawhma dar 11:00AM ah DC Conference Room, Saitualah tlangzarh a ni.

Final Electoral Roll tlangzarhtu, Pu Lallawmawma, Dy DEO, Addl Dc Saitual ni bawk chuan Roll tlangzarh ngaipawimawha BLO, Party aiawh leh NGO aiawhte an kal tha chu lawmawm a tih thu sawiin a, MLA General Election liamta ah pawh thawhhona tha tak anneih avanga harsatna awm thei tam tak an pumpelh thu a sawi bawk. Electoral Roll siam chu fimkhur ngai tak thil, tihsual palh a awm chuan thil pawi tak thlen thei a nih avangin theihtawp an chhuah thu a sawi a, Election Office a a thawhpui te chungah lawmthu a sawi nghal bawk a ni.

DEO in a sawm angin vawiin Roll tlangzarh a Chairman, Pi Laldinfeli, EO chuan Roll chungchangah kalkhawmte hnenah report a pe a, Final roll a a lan dan in Saitual District-a assembly bial pathum - Lengteng ,Chalfilh leh Tawiah polling stations 80 awmin, vote nei mipa 27,592 leh hmeichhia 28,197, an vaiin mi 55,789 an awm a. Service Voter hi mipa-516 leh hmeichhia-3 awmin an vaiin 519 an awm bawk a. Hmeichhia leh mipa inthlauhna, sex ratio hi 1022 niin, hmeichhe voters an tam zawk a ni.

He hunah hian Chairman chuan zawhna leh hriatbelh duh neite tan hun a hawng a, Hearing chungchangte, Home Voting chungchang leh PWD voters chungchang te chu zawhna tam ber niin inhrilhfiahna hun hman a ni bawk a, Pi Laldinfeli chuan PWD voters chungchang ah Disability Certificate neih leh Roll a an chuan chu a pawimawh hle a ni, a ti.

Vawiin a Saitual a Final Electoral Roll tlangzarhna ahhian  Party tinte hnenah Roll semchhuah a ni a, Town chhunga BLO tinte hnenah pawh an Area Roll te pekchhuah a ni bawk. Heng bakah hian Epic nei tharte hnenah Voters ID card semchhuah a ni a, he Epic envelop semchhuahah hian hriattur pawimawh hrang hrang, Pledge(intiamkamna) te leh booklet te a tel a ni.

Roll chungchang khaikhawmna hi a hnuaia document-ah hian en theih a ni. 

SSR 2024 Overview (Saitual District).docx