212/2023-2024
Dated Aizawl the 25th April 2023 : Vawiin chawhnu khan Aizawl DC Office ah Aizawl DC, Dr.Lalhriatzuali Ralte kaihhruaina hnuai ah Solid Waste Management rules implementation committee bawhzuina peng 6 zinga a sanitation task force committee te an thukhawm.
He thutkhawmna ah hian Solid waste management chungchang a hmalak tawhna te thlir ho niin, sanitation task force in a a tih ve tur te rel a ni a. Department ruat bik kalkhawmte atang an Department chan theuh in a hma an lo lak tawhdan te sawi ho niin, hmalak zui zel dan tur rel a ni bawk.
Heng thurel zing ah hian bawlhhlawh felfai zawk a paih anih theih dan tur te, solid waste management chungchang a mipui te awareness leh information felfai zawk a pek dan tur te leh khawtlang, kohhran leh pawl hrang hrang te tangkai tak a an tel theihna tur a hmalak dan tur te sawiho a ni.
Local level leh village level a sanitation committee la awm loh na ah din ni se, tin hmalakna endik tu ah leh mipui ten sanitation chungchang a an harsatna te an thlen theihna tur Monitoring Committee din ni se tih te rel a ni. Hmalak dan tur, Terms of Reference erawh a tul anga zir chian a nih hnua siam tur a ruahman a ni.
Vawiin a thutkhawm ah hian UD&PA, AMC, PHE leh ruat bik Department dang atangin an aiawh te an lo kalkhawm a, hmalak chhunzawm zel na tur atan thutkhawmna neih leh ni se an ti bawk.
Attachment
- Loading attachment...
