1661/2026-2027 

AIZAWL; 5th July, 2026: Vawiin khan Er. Lalhriatpuia, IAS, Deputy Commissioner, Aizawl District chuan Joint YMA, Darlawn hnenah Ruihhlo Dona Duty Point-a hman tur Solar Inverter a hlan.

Solar Inverter hlanna programme tawite buatsaih-ah Er. Lalhriatpuia, IAS, Deputy Commissioner chuan, Darlawn Joint YMA ten nasa taka ruihhlo dona kawnga an hmalakna chu fak an phu hle tih sawiin, rim taka Joint duty an neihna-a an hman tur, an mamawh em em inverter an dilna chu uluk taka ngaihtuah a nih hnuah, an khua in ruihhlo donaa an hmalak tawhna leh an hmachhawp te ngaihtuahin, Solar Inverter chu pek an phu hle nia a hriatthu leh chumi avanga pek an nih thu a tarlang. Pu Hriatpuia chuan Solar Inverter an pek hian nasa taka Darlawn huam chhunga ruihhlo doremna kawngah leh ṭhalai te tana hma hun eng tak sialna kawngah ṭangkai taka an hman a nih ngei theih nan Darlawn Joint YMA te chu duhsakna a hlan bawk a ni.

Solar Inverter hi Darlawn Joint YMA aiawh in Pu Samuel Lalhriattira, President, Darlawn Joint YMA in a dawng.

Vawiin Solar Inverter hlanna programme-ah hian  Aizawl Bawrhsap  Er. Lalhriatpuia chu Assistant Commissioner, Pu Hmingmawizuala leh  Pi F. Lalnisai te bakah Pu Abhishek Singh, IAS, Sub-Deputy Commissioner, Aizawl District ten  an ṭawiawm  a ni.