1660/2026-2027

Siaha the 5th August 2026:District AIDS Prevention and Control Committee (DAPCC) buatsaih District Level Red Ribbon School Quiz Competition chu vawiin khan MADC Golden Jubilee Hall, Siaha-ah neih a ni a, District Bawrhsap leh DAPCC Chairman nibawk Pu VL Hruaizela Khiangte chuan Khuallian niin a hmanpui.

District Bawrhsap chuan HIV/AIDS leh a kaihhnawih hriselna lamhawia zirlaiten awareness an neih theihna tura District Level Quiz Competition buatsaih a ni chu a lawmawm hle a ti a, hun hlawkthlak tak hmang turin kalkhawmte chu duhsakna a hlan.

Khawvel pumin vawiin thlenga a buaipui chu HIV/ AIDS a la ni reng a, he natna hlauhawm tak laka inven a pawimawh thu uar lehzuala sawidarh a tul a ti. Tihdam aiin inven a tha zawk (Prevention is better than cure) tiin zirlaite chu kawng engkimah fimkhur a, rilru thar nen infuih a, mahni thiante, chhungte hrilh chhawngtu ni theuh turin a chah. Zirtirtu kalkhawmte chu fuihin nu leh pate ai maha zirlaiten an ngaihsan leh entawn an ni a, zirlai naupangte nun kawng dika hruai a, kawng dik kawhhmuhtu ni chhunzawm zel tura chahin mahni school theuhah HIV/AIDS chungchangah awareness neihpui turin a sawm bawk.

ICTC Counsellor Pi Zingia Hlychho chuan  HIV/AIDS inkaihchhawn dan te, kai lo tura inven dan te leh kai palh pawha inenkawlna kawng awm te sawizauna(Awareness Campaign)  a nei a, Chief Medical Officer Dr Lalrengpuii chuan lawmthu sawiin hun tihtawp a ni. Vawiin a quiz master chu Pu MC Beichonochai a ni.

District Level Red Ribbon School Quiz Competition 2026 ah hian Siaha District chhunga School 10 ten inelna an hmachhawn a, titha zual lawmman dawngte chu :

1) Ryusa Elementary School

2) Maraland Academy 

3) Govt Dairy Middle School, Tipa

Consolation prize: Lopu Secondary School te an ni

District Level Red Ribbon School Quiz Competition a lawmman pakhatna dawngtu Ryusa Elementary School te hian State Level-ah District aiawhin inelna an hmachhawn leh dawn a ni.