Vawiin khan Aizawl District Anti-Tobacco Squad-te chu an Chairman, Dr Franklin Laltinkhuma IAS, Deputy Commissioner, Aizawl hovin Aizawl Bazar-ah Mizoram Sawrkar in ni 22/09/012 a Notification  a tih chhuah leh The Cigarettes and Other Tobacco Products (Packaging and Labelling) Amendment Rules, 2011 (Section 7) in a tarlan anga vaihlo leh a kaihhnawih chi hrang hrang  i.e sahdah, zozial, tuibur  etc. funna /bawm tinah vaihlo-in hriselna a khawih chhiat theih dan thu bakah a lem (Pictorial Health Warnings) tarlan ngei ngei tur  chungchang bawhzui nan Vaihlo zuartute he dan chungchang hrilhhriatna neih pahin Anti Tobacco Squad Drive neih a ni a, New Market leh Bazar hmun dang dang a dan bawhchhia an man-te chu dan in a tarlan angin chawi tir (Fine) an ni.

Squad Drive duty-te hian vantlang hmuna meizu leh vaihlo kaihhnawih hmang/ti hmuh theih khawp a kan tlahniam zel chu lawmawm an ti hle a, dan bawhchhia man tur la awm ve leh thin mahse  hmalakna chak lehzual nen chuan Vaihlo leh a kaihhnawih khuahkhirhna kawngah hmasawnna nasa tak la awm zel turah an ngai a ni.