Vawiin khan Kolasib bialtu Transport Minister Pu PC Zoramsangliana chuan District Sericulture Officer, Kolasib hnuaia NLUP Phase II dawngtu mi 78 te hnenah tanpuina Ist instalment Rs 5000/- theuh a sem.

Sericulture Department hnuaia Pangang khawi thlangtute hi IInd Phase chhungah hian mi 152 an ni a, tun tuma Minister in sum a sem takte hi Lo vahna tur leh samfaina atana tih a ni.

Tangka a sem paha thuchah sawiin Pu PC Zoramsangliana chuan Kum 2008 kuma inthlan campaign na au hla an neih mi rethei leh pachhiate intun nunna atana tangka sem an intiam chu vawiin ni thlengin a takin kan pe ta zel a ni a ti a, Mizote hi Lawm tha sut hmang kan ni si a. chu zia chu in vote hlu tak hmanga min thlan tlin avangin kan thutiamah kan ding nghet a ni, a ti. NLUP hi a policy Central-a kan hotuten an zuk thlen khan minlo tuipui em em a, pawisa 2873 Vbc. lai mai nangmahni kut hnathawktute tan liau liau, midang sawrkar hnathawk leh keini Minister te pawhina kan chuhpui theih miah lohvin dah a nita a. In huan/ Lo samna, a kawng tihfaina leh a buaipuitu sawrkar hnathawkte training leh awareness prog. buatsaihna tur chenin sum hi dah a ni, a ti.

Pu Ramsanga chuan Mizoramin buai tawkin tah leh ha thialna kan tawk a, Remna leh Muanna zawnga Pu Hawlan a lalthutthleng hial ken a inhuamna chu Chief Minister a nihlai June 30, 1986 khan a takin a tihlawhtling a. Vawiin niah chuan chumi in a hrinchhuah zel Malsawmna a taka dawngtu kan nita a ni, a ti a. Vawiina pawisa dawngtute hian tihtak zeta kan thawha intodelhna lamtluang kan zawh hi kan bat a ni ta a ni, a ti a ni. Vawiina NLUP pawisa semna inkhawm hi Pu Lalrinmawia, Dy. Director & Nodal Officer, Seri Deptt. in a kaihruai a. Pu Lalthianghlima, District Sericulture Officer, Kolasib –in report a pe a ni. Kolasib District-ah hian Sericulture Deptt. chuan NLUP Phase I ah beneficiary 33 hnenah tangka Rs 22,69,608/- anlo sem tawh bawk.

Vawiina NLUP sum semna inkhawmah hian Pu Zairemmawia, Addl. DC leh Deptt. thenkhat hotute an tel bawk