4045/2023-2024

Dated Aizawl, the 5th March 2024: Vawiin Chawhma dar 11 khan DC Conference Hall Aizawlah District Level Committee on Sansaad Adarsh Gram Yojana (SAGY), Phase-VI Seling chu an Convener leh District Nodal Officer ni bawk, Pi Nazuk Kumar hovin an thu khawm.

Pi Dorothy Muansangi, DLAO Aizawl leh Charge Officer ni bawk chuan report pein, Seling khaw hmasawnna atana line department te hna thawh hrang hrang bakah, achievement te a tar lang a.

Hemi rual hian, Seling Village Development Plan a project kalpui tawh leh hna thawh tawhte thlir letna hun hman a nih bakah Project kal lai leh hmabak la awmte sawi ho niin, zawh thuai a nih theih nan ruahmannate siam a ni. Seling VCP te chuan Model village a thlan an nih avanga lawmthu sawiin, hmasawnna tur hrang hrang la awm thei te sawi ho na neih a ni.

Seling Khua hi Lok Sabha MP, Pu C. Lalrosangan, SAGY Phase-VI hnuaia Model Village atana a thlan a ni a. Khawchhung hmasawnna (Village Development Plan) atan a Department hrang hrang 10 hunaiah Project 38 lo ruahman tawh te chu thlir ho niin, tun dinhmunah, Project 30 chu zawh fel tawh a ni a, Project 8 thawh hmabak a awm bawk. Project awm zawng zawng atanga 79% vel zawhfel tawh a ni.

He Village Development Plan hi October ni 17, 2022 a Lok Sabha MP hova District Level Committee on SAGY Phase-VI Seling thu khawm in a pawm a ni. Aizawl District SAGY ah hian Chairman hi MP Pu C. Lalrosanga niin, Member-Convener chu DC Aizawl & Aizawl District Nodal Oficer (SAGY) niin, Member-Secretary leh Charge Officer chu District Local Administration Officer, Aizawl District a ni.