Vawiin tlai khan District Disaster Management Authority (DDMA) Chairman Pu Kannan Gopinathan-a, Aizawl D.C., kaihhruaiin a pisaah Aizawl District huam chhunga DM&R Zonal Officer-te nen an thukhawm.

Meeting kaihruaitu Aizawl DC, Pu Kannan Gopinathan-a chuan fur lo thlen hma thla hnih lai la awma meeting koh a nih chhan chu inbuatsaihna hun thawl zawk a awm theih beisei vang a ni, a ti a. Zonal Officer-te chu mahni zone chhung theuha lei min thei awm apiangte enfiah a report thehlut turin a ngen a. National leh State Highway kama leimin hlauhawm zualte chu ngaih pawimawh hmasak nise a tih bakah, kawng te zawkte pawh hun in a daih dan azirin ngaihtuah zui zel nise a ti bawk. Heng leimin hlauhawm laite venhimna tur senso chu kawng hrang hranga dap a nih tur thu tarlan a ni bawk.

Meeting-a Zonal Officer-te ngaihdan hrang hrang thawh khawm atang hian template siam tur a ni a. He template hmang vek hian ni 15 chhungin leimin theihna hmunte enfiahin report an thehlut dawn a ni.

Meeting-ah hian Aizawl District chhunga Zone 19 aiawha DM&R Zonal Officer-te bakah P.W.D. leh DM&R hotute an tel a ni.