New Delhi a cham mek Chief Minister Pu Lal Thanhawla chuan nimin tlaia Union Minister of State (IC) for Petroleum & Natural Gas Pu Dharmendra Pradhan a hmuh naa Mizorama oil leh natural gas zawn hna thawh mek chak zawka kalpui a nih theihna tura hmalakpui tura a sawmna bakah, Mizorama oil dah khawlna awm chhunin ni 2 ni 3 chauh daih anih avanga dah khawlna lian zawk siam turin a ngen a. A hmun tur atan Mizoram sorkar chuan ram a pek theih thu a hrilh nghal bawk a ni. Heng bakah eirawngbawlna gas hnianghnar Mizoram mipuite tana ruahman sak turin a thlen nghal bawk a ni.

Union Minister chuan eirawngbawlna gas hnianghnar neih chu mipuite chanvo a nih thu sawiin, chak taka bawhzui alo tiam a. Chief Minister thu thlente chu thil pawimawh tak vek anih avangin a ministry hnuaia hotute leh OIL hotute chu Mizoramah rawn tirh a ni ang tih Chief Minister chu  hrilhin, amah ngei pawh hun remchang hmasa berah lokal a tum thu a hrilh bawk a ni.