1216/2023-2024

Vawin Ni 21.7.2023 (Zirtawpni) khan District Level Committee on Internally Displaced Persons from Manipur, Aizawl District te chu Chairman leh Deputy Commissioner, Dr Lalhriatzuali Ralte ho in D.C, Office, Conference Hall ah an thu khawm a. He thut khawmna ah hian Deputy Commissioner, CYMA, CMO (East), PHED, PWD leh Village Council te hnen atangin Aizawl District chhunga Manipur atanga rawn raltlante lo dawnsawn na kawng a hmalakna hrang hrangte ngaihthlak a ni. Tun dinhmunah Aizawl District chhungah Manipur atanga rawn raltlan hi mi 4244 awmin, relief camp, chhungte bel leh mi inluah a awmte an ni hlawm. Tin, Manipur atanga rawn raltlante chhawmdawlna kawngah mamawh te sawiho niin state sawrkar a thlen tul te ruahmanna siam a ni bawk.

Home Department in a Manipur atanga rawn raltlante profiling tihna tur format a siam chu thlir ho niin, Aizawl District chhunga profiling tih dan tur te sawi ho a ni bawk.