1215/2023-2024

Khawzawl, 21st July 2023: Vawiin khan Khawzawl DC Conference Hall-ah Khawzawl District Lungphun Committee hmasa ber neih a ni a. He hunah hian Khawzawl chhunga Department hrang hrang aiawh bakah khawtlang hruaitute an tel.

He hun kaihruaitu Khawzawl DC Pu K. Lalrohlua chuan Khawzawlin hun rei taka tanga a lo beih tawh District a nei ta chu, mellung pawimawh leh chhhinchhiahtlak tak a nih angin hriatrengna lungphun phun rawtna awm chu ngaihtuah zui a tul thu a sawi a.

Kalkhawmte hian Lungphun phun rawtna an sawiho hnuah lungrual takin Khawzawl District Lungphun phun tumna chu an pawm a.

Lungphun chungchanga tul apiangte bawhzui turin Additional DC Pu Lalfakzuala kaihhruaina hnuaiah sub- committee din a ni a. Khawzawl District Lungphun chungchanga rawtna nei chuan committee member tarlan te hnenah hian rawtna a thlen theih a, August thla laihawlah sub-committee zirchianna leh rawtna te ngaihtuah turin District Lungphun Committee hi an thukhawm leh ang.

Member te chu :

Chairman: Pu Lalfakzuala, Additional DC
Vice Chairman : Pu K. Thangliana, Khawzawl Zaingen

Members:

1. Pu K.Ziona, Principal Govt. Khawzawl College
2. Pu PC Rosiama, President, Sub- Headquarters YMA Khawzawl
3. Pu B. Vanlalbiakzara, Khawzawl Darngawn
4. Pu Lalpianfela Chawngthu, Khawzawl Vengthar
5. Pu Lalhlimpuia, Khawzawl Zaingen; te an ni.