Vawiin tlailam dar 2 khan Aizawl DC, Pu Kannan Gopinathan-a kaihhruaiin a Office Chamber-ah, Aizawl District chhunga khaw 25-a Village Council Election neih tur atana Electoral Roll Summary Revision chungchangah Meeting neih a ni a. He Meeting-ah hian Political Party leh tlawmngaipawl hrang hrang aiawhte an tel a ni.

Meeting kaihhruaitu Aizawl DC Pu Kannan Gopinathan, IAS chuan vote nei thei tur dik takte chauhvin vote an neih a, inthlanna felfai tak neih a nih theihnan Political Party leh tlawmngaipawl aiawhte chu thawhhopuiah a sawm a. Mizoram State Election Commission-in Summary Revision of Village Council Electoral Roll 2016 atana ruahmanna a siamte a tarlang a.

He meeting-ah hian Draft Roll-a chuang mekte khawdanga insawn dilna leh an chanchin (particulars) diklo siamthat dilna thehluh theih a nih thu leh Mizorama cheng nghet, Gorkha-te leh an thlahte tiam lovin, he Draft Roll-a non-tribal hming chuangte leh mi tupawh, kumin January ni 1 thlenga Village Council Constituency-a ni 180 la awmtlinglote chu paih (delete) tur an nih thu tarlan a ni a. Mizoram State Election Commission  thupek angin Draft Electoral Roll-a hming chuang sa sawn (transfer) tih loh chu hming thunluh thar miahloh tur a nih thu tarlan a ni bawk.

Mizoram State Election Commission thuchhuak angin  a hnuaia programme ang hian Summary Revision of Village Council Electoral Roll 2016 chu kalpui tur a ni:

Sl.

No.

Stage of Revision

Period allowed for stage

1

Draft Publication of Electoral Rolls

21.03.2016

2

Submission of Claims and Objections

22.03.2016 to 28.03.2016

3

Disposal of Claims and Objections

31.03.2016 to 05.04.2016

4

Printing of Electoral Rolls

06.04.2016 to 07.04.2016

5

Final Publication of Electoral Rolls

08.04.2016

Heng khaw 25-a Village Council Draft Electoral Roll 2016 chu khaw hrang hranga Electoral Registration Officer (ERO), Assistant Electoral Registration Officer (AERO) leh Village Level Officer (VLO)-te hnenah en theih a ni a. Roll Summary Revision atan hian khawtin-ah, bialtu AERO, Political Party leh NGO aiawhte telna, Village Level Standing Committee din tura thuchhuah siam a lo ni tawh a.  Mizoram State Election Commission pawhin Sakawrdai SDO (C), Darlawn BDO leh Phullen BDO te chu an bial theuhva EROturina lo ruat tawh bawk.

Village Council Draft Roll tihchhuah takah hian mipa 8146 leh hmeichhia 7946 an awm a, an vain mi 16092 an awm a ni.