India ram Independence day champha, Mizorama a lawmna pui ber, Lammual, Aizawl a neih tur leh Sawrkar mi pawimawh te kalkhawmna tur Raj Bhavan te venhimna tha taka kalpui a nih theihna turin a hnuaia thupek hi Pu H. Lalhmingthanga, Sub-Divisional Magistrate, Aizawl District, Aizawl chuan Section 144 of Cr.P.C., 1973 in thuneihna a pek angin thu a chhuah.

AR Lammual chungah leh Raj Bhavan compound chungah Remote Control hmang Drone/Aerial Camera leh hetiang lam chi reng reng, 15th August, 2016 ni hian thlawh tir khap tlat a ni.

He thupek bawhchhia an awm a nih chuan an Drone/Aerial Camera te man/kahthlak sak a ni ang a, an chungah dan angin hremna lek a ni ang.