NLUP leh UN thawhdunna-a buatsaih "Lo neitu huana sikul kai" (Farmer Field School) Muallungthu-a zau pahnih Khamrang leh Tuizual zau-a kalpui chu vawiin khan NLUP Implementing Board Chairman Pu JH Rothuaman a tlawh.

NLUP Impementing Board Chairman Pu JH Rothuama chuan sawrkar flagship programme NLUP hnuaia hmalakna te chhunzawm zela nih dawn thu a sawi a, sawrkar piah lamah United Nations leh Tata Trust kaltlang te pawhin heng hmalakna te hi chhunzawm chhoh tum mek ani a ti. Khamrang leh Tuizual zau-a loneitu te chuan NLUP Impementing Board Chairman Pu JH Rothuama hnenah hian an mamawh leh harsatna hrang hrang te an thlen bawk a ni. Khamrang zau ah hian loneitu 32 an awm a, Tuizual zau ah hian loneitu 49 an awm a, Tuizual zau bika loneitute te hi NLUP hnuaia tanpuina dawng an ni.

Farmer Field School ah hian mithiamten loneitute chu an awmna hmunah zirtirna an pe a, heng mithiam te hi UN mithiamten an zirtirna an pek te an ni a, Mizoram hmun tina kalpui anih theih nan NLUP Implementing Board chuan Rs. 17,19,630 a pe a ni. Tun dinhmunah chuan Farmer Field School hi lakhuihthei leh serthum enkawl chungchanga in zirtirna atana buatsaih tura ruahman a ni a, kumin July khan session tan a ni.

NLUP Implementing Board Chairman hi NIB Secretary Pu James Lalrinchhana leh NLUP Chief Media Officer Pu David L Thangliana,MIS te bakah line department Horticulture leh Agriculture Department hotuten an tawiawm a ni.