UN International Youth Day 2016 puala Department of Public Administration leh Women's Study Centre, Mizoram University leh Rajiv Gandhi National Institute of Youth Development (Ministry of Youth Affairs & Sports, Government of India), Sriperumbudur, Tamil Nadu te tangkawpa huaihawt One Day International Seminar on "The Road to 2030 : Eradicating Poverty and Achieving Sustainable Production and Consumption" chu vawiin khan MZU Auditorium-ah neih a ni a, Khuallian Prof. R.Lalthantluanga, Vice Chancellor, MZU leh Khualzahawm Parliamentary Secretary Pu Hmingdailova Khiangte ten an hmanpui.

Seminar hi Prof. Lalhnehzovi, Head, Dept of Public Administration-in a kaihruai a, Prof. Zokaitluangi, Dean, School of Social Sciences chuan inlawmna thu sawina hun a hmang a, Khualzahawm Pu Hmingdailova Khiangte chuan Mizo thalaite chawikanna leh hmasawnna tura Mizoram Youth Commission hmalakna hrang hrangte a sawi lang. "Youth & Development Perspectives in Mizoram" tih thupui Prof. C.Devendiran, Head, Dept. of Social Work, MZU leh "Youth and Social harmony" tih thupui Dr R.K.Mohanty, Head, Dept. of Sociology ten paper an present bawk.

He programme pual hian "Youth and Nation Building" tih thupui hmangin Essay inziahsiak leh "Any Constructive Activity by the Youth" tih thupui hmangin Poster Preparation Competition buatsaih a ni a, mimal titha te hnenah lawmman sem a ni bawk.