District AH & Vety Officer, Aizawl hnen atanga report kan dawn danin tunlai hian Aizawl District chhungah Vawk natna, Porcine Reproductive & Respiratory Syndrome (PRRS) a la leng mek niin hriat a ni a. Hemi hri leng avanga mipui tan buaina leh harsatna a thlen loh nan:

1)   Vawk thi reng reng tha taka phum vek tur a ni.
2)   Vawk thi reng reng khamah emaw kawrah emaw paih mai mai loh tur.
3)   Aizawl District chhungah khawi atang mahin Vawk lakluh phal loh a ni.
4)   Aizawl District chhung atangin Vawk lakchhuah phal loh a ni.
5)   Vawk talhtute’n Vawk hrisel tha chauh an talh tur a ni.
6)   Vawk neitute’n Vawk damlo an hralh tur a ni lo.

He thupek hian thu leh awm hma chu puan a nih atanga thlahnih (2) chhung a huam ang. He thupek zawm lote chu Sec. 188 of IPC hrem an ni ang.