2838/2022-2023
Aizawl 28th November 2022: Aizawl District Magistrate chuan a hnuaia tarlan ang hian ni 24, November 2022 khan thuchhuah a siam.
Tunlai hian social media hrang hrang, YouTube, Facebook, Instagram etc ah te ramsate/nungchate chunga pawikhawihna leh dan kalha chetna tam tak video leh thlalak te dah thin a ni a. A bik takin YouTube Channel hrang hrang ah ramsate/nungchate thangkam hmanga man leh tihhlum an nih dan video tam tak hmuh tur a awm a. Hei hian nungchate humhalhna kawngah a tha lo zawngin mipuite rilru a kaihruai thei a ni.
Chuvangin, Aizawl District mipuite zawm turin a hnuai a mi ang hian thu ka chhuah e;
Social Media kaltlangin Dan lova ramsa/nungcha te pellai, thangkam hmanga man leh tihhlumlai thlalak (photo) leh video te mipuite hmuh tura pholang lo turin kan inhriattir a. Ti lui te chu chhui chhuah an ni anga, Dan hmangin an chungah action lak a ni ang.
