2078/2026-2027

AIZAWL; 4th September,2026 : Vawiin chawhnu khan DC Pisa Pui Hall-ah District Election officer leh district bawrhsap ni bawk Er. Lalhriatpuia kaihhruaina hnuaiah nakthai { Thawhtan ni (07.09.2026)}-a  SIR 2026 Final Electoral Rolls tlangzarh tur chungchang leh SIR 2026 kalpui dan thlirletna meeting SIR Official te leh Recognized political party, MJA, CYMA , MUP leh MHIP te nen meeting an nei.

Vawiin meeting-ah hian Tlawmngai pawl leh Political party aiawh  te chuan  mutmu pawh tuah lova, SIR 2026  Final Electoral Rolls felfai leh thianghlim,hun tiam chhunga tlangzarh a ni theih nana thawktu, DEO leh a nau te ERO,AERO, BLO leh BLA te chungah lawmthu an sawi a. An thawhrim zia an hmuhpui thu leh Tlawmngai pawl te leh Local council/Village council te pawn theihtawpa SIR 2026 official te an lo puibawm theih avangin lawmawm an tih thu an tarlang a.  SIR 2026 Final Electoral Rolls tlangzarh turah hian sawisel tur an neih loh thu leh SIR 2026 official ten tha taka an hna an hlen avanga an lawmpui thu an sawi.

Political party aiawh te chuan SIR 2026 hi Mizoram hmalam hun atana thil pawimawh a nih tih hriaa,  lungrual taka party zawng zawngin SIR 2026 official te an puibawm  thin chu thil lawmawm tak leh chhinchhiah tlak tak a nih thu a sawi bawk.

DEO Er.Lalhriatpuia pawhin  thu sawiin, Aizawl District hi Mizoram District dang te aiin Population sangin, Assembly constituency pawh tam zawk deih mahse,  DDEO, EO,ERO,AERO, BLO leh BLA te  thawhrimna leh inpekna zarah a hun taka Final Electoral Rolls kan tlangzarh theih tur hi lawmawm ka ti zet a. He thil hi Tlawmngai pawl leh Local Council/Village council te bakah MJA te puibawmna zarah liau liau a ni, tih erawh ka sawi duh a, an chungah DEO ka nihna ang pawhin lawmthu ka sawi tek meuh meuh a ni, a ti.

Vawiin meeting-ah hian DEO,DDEO, EO, Assembly Consituency 12-a ERO  leh AERO te, MJA, Political party aiawh te, Tlawmngai pawl :CYMA, MHIP leh MUP aiawh te an tel  a ni.

Pu Vanlalrova, Deputy DEO in lawmthu sawiin vawiin inkawmhona hun hi a khar ta a ni.