2077/2026-2027

Lawngtlai, 4th  September 2026: Vawiin khan Lawngtlai  District Election Officer, Pu Donny Lalruatsanga kaihruaiin a Office Chamber-ah SIR 2026  Final Electoral Roll Tlangzarh tur  chungchang sawihoa thutkhawm a ni .

Pu Donny Lalruatsanga chuan kalkhawmte chibai bukin SIR 2026 tluang taka kalpui niin, tunah engkim peihfel vek tawh a ni, a ti a. Electoral Roll - felfai leh thianghlim tak awm  tura rim taka thawktu Election Officer leh a thawhpuite, EROd, AEROs leh BLO-  te an fakawm hle a ti a. Thawhpuitu tha tak tak zingah CYLA,CYLA,  MJA, Khawtlang hruaitute leh Political Party - ten theihtawp an chhuahpuinaah lawmthu a sawi a. Lawngtlai District- bikah harsatna tam tak karah thawhhona tha tak avangin 'Final Electoral Roll' tlangzarh theih a ni dawn a, a lawmawm hle a ni, a ti. DEO chuan 'Final Electoral Roll' tlangzarh a nih hnuah pawh tihfel ngai tam tak a la awm dawn a, thawhhona tha  awm zel turin kalkhawmte a sawm nghal bawk.

Pu Collin Hlychho, Election Officer chuan Lawngtlai District chhunga Assembly Constituency pathum; 36- Tuichawng (ST) AC, 37- Lawngtlai West (ST) AC leh 38- Lawngtlai East (ST)  AC - a SIR 2026 kalpui dan tlangpui leh hmalakna hrang hrang sawizauna a nei a. EROs leh AEROs -  te hnen atangin siam that ngai siam that leh 'hearing' an neih dan report-te ngaihthlak nibawkin,  zawhna leh chhanna hun hman ho a ni.

Ruahman dan angin Final Electoral Roll- hi September ni 7,  zing dar 10:30 AM -ah DC Conference Hall-ah tlangzarh a ni ang.Vawiin thutkhawmah hian EROs, AEROs,  Political Party aiawh te, NGOs aiawh leh MJA, Lawngtlai te an tel thei  a, Pu Donny Lalruatsanga chuan lawmthu sawiin hun a khar.