3143/2024-2025 

AIZAWL; the 22nd November, 2024: Vawiin chawhma dar 11:00 khan Aizawl District Election Officer leh bawrhsap ni Er.Lalhriatpuia chuan Aizawl Municipal Council hnuaia Local council 85 leh Aizawl District chhunga Village Council 69 inthlannaa hman tur Local Council leh Village Council Electoral Rolls Summary Revision, 2024 tehfungah 01.01.2025 hmangin neih a ni dawn a. Chumi atana Draft Electoral Rolls chu vawiinah hian  a tlangzarh a ni. A hard copy hi political party hrang hrang aiawh te hnenah a hlan nghal bawk a ni.

Draft E/Roll tlangzarhnaah thu sawiin Er.Lalhriatpuia chuan Electoral Roll felfai leh thianghlim hi Democracy rama inthlanna huapzo, muanawm leh felfai neih tura bul intanna a ni a. Chuvangin kan Electoral Rolls buatsaihtu official AMERO, ERO, AERO leh LLO/VLO te in fimkhur hle a ngai  tiin  Local/Village Council, Political Parties, Tlawmngai Pawl hrang hrangte leh Media te chu Electoral Roll  buatsaihna kawngah tawiawmna turin a sawm bawk a ni.  

Aizawl District huam chhunga inbuatsaihna kalpui dan chu hetiang hi a ni.

1.      Aizawl Municipal Area huam chhunga Local Council leh Aizawl District huam chhunga Village Council Electoral Rolls chu ni 22.11.2024 hian mipui te en theih turin tarchhuah a ni a. Hemi ni atang hian 25.11.2024 atanga 09.12.2024 thleng Electoral Roll atanga paih, thun thar, siamthat ngai leh insawn duhte tan dilna (claims and objections) LLO/VLO hnenah thehluhna hun hawn a ni ang.

2.      Ni 25.11.2024 09.12.2024 chhunga dilna lut chu 10.12.2024 -19.12.2024 chhungin MERO/AMERO/ERO/AERO ten an endik ang a.Hetianga an enfiah zawh hnu hian MERO/ERO -ten thutlukna an siam fel hnuah hming thunluh ngai, paih ngai leh siamthat ngaite chu thliarhran leh a ni ang a, hemi hnu hian Data entry (Computer-a thunluh hna) thawh zui nghal char char a ni ang. Local/Village Council Final Electoral Roll chu January 8, 2025 ah tarchhuah a ni ang.

3.      Tun tum Draft Local Council a voter awm zat chu Hmeichhia Tun tum Draft Local Council a voter awm zat chu Hmeichhia 124472 leh Mipa - 108620, an vaiin mi 233092 an ni a In - 64077 a awm. Village Council Electoral Rolls-a Elector awmzat chu Hmeichhia 32056 leh Mipa - 30573 ni in an vaiin Mi - 62629 an ni a In -17877 a ni. A chipchiar zawkin he link-ah hian dah a ni.

4.      Local Council/Village Council Electoral Roll hi MLA Roll nen a hranpa a buatsaih a ni a, hemi a inthun thar, insawn (transfer) leh siamthat (correct) te hi MLA Roll atan a rin nghal theih loh a ni.