3142/2024-2025

Dated Hnahthial, the 22nd November, 2024: Vawiin chawhma dar 11:00 khan DC Meeting Hall Hnahthial-ah District Bawrhsap Pi Rita Lalnunmawii Pachuau, District Election Officer ni bawk chuan Village Council inthlannaa hman tur Draft Roll 2024 a tlangzarh a. Final roll hi January ni 5-ah tlangzarh leh tur a ruahmanna siam a ni.

Draft Electoral Roll Village Council Wise 2024 tlangzarhtu District Election Officer Pi Rita Lalnunmawii Pachuau, District Bawrhsap chuan Electoral Roll-a chuan hi a pawimawh thu sawiin khua leh tui kan nihna lantirtu a nih bakah hamthatna kan chan leh dawn tur pawh roll-ah a chuang em tih a nih vek tawh avangin roll-a chuan hi a pawimawh hle a ni a ti a. A lut tur kum tling chinte chu luhtir vek kan tum a tul thu sawiin chutih laiin a lut thei lo tur ram dang mi leh hnam dang ang chite chu thun lut lo tura kan tanrual pawh a tul hle thu a sawi a. Roll dik leh felfai tak neih a nih theihna atan thawhho puiah party aiawh kalte leh MJA te a sawm nghal bawk a ni.

Village Council inthlanna a hman tur Draft Roll tlangzarh takah hian Hnahthial District chhungah Village Council sawmthum pahnih (32) a awm dawn a. Vote nei thei mi sing hnih sang hnih za nga leh pali (22,504) awmin an zingah hian mipa sing khat sang khat sawmkua leh panga (11,095) leh hmeichhia sing khat sang khat zali pali (11,404) an awm a ni.

He hunah hian Pi Esther Leihang, Election Officer chuan Draft Roll an buatsaih dan chungchang a tarlang bawk a ni.

Abstract VC Roll.docx