3141/2024-2025

Dated: Mamit the 22nd of November, 2024 : Vawiin khan Taitesena Buk, DC Office-ah 21st General Election to Village Councils, 2025 draft electoral roll chu  Pu K. Laltlawmlova, District Bawrhsap leh District Election Officer ni bawk chuan a tlangzarh.

Pu K Laltlawmlova chuan kumthar 2025-a VC Election kan neih turah Roll felfai leh rintlak kan neih theih nan leh roll a chuang tur diktak, India khua leh tui, kum 18 tling ngei te thun an nih theih nan Election officials, khawtlang hruaitu, tlawmngaipawl aiawhte leh political party-te thawhho a tul a ni a ti.

Pu Lalnunfela Chawngthu, Election Officer-in a tarlan angin Photo Electoral Roll, 2025 (Village Council) tlangzarh takah hian Village council 90 awmin vote nei 60809 an awm a, mipa 30409 awmin hmeichhia hi 30400 an awm a ni. VC seat hi General 289 leh reserve 95 a vaiin 380 a awm mek bawk a ni.

Vawiin a Draft Roll tarchhuah hi qualifying date 01.01.2025 a kum 18 tling chin leh 01.01.2007 leh a hma lama piang chinte tan roll-a chuan dilna thehluh theih niin 25.11.2024 - 09.12.2024 chhungin hming thunluh, paih, insawn ngai leh siamthat ngaite tan dilna thehluh theih a ni a. December 19, 2024 ral hmain form lutte chinfel tur niin January 8, 2025 ah Final Roll tarchhuah a ni ang.

Summary Revision of Photo Electoral Roll, 2025 (Village Councils) tarchhuah tak copy hi Political Party MNF, ZPM, BJP leh INC te hnenah District Election Officer hian a hlan nghal a ni.

Vawiin Draft Electoral Roll tarchhuahnaah hian Mamit District chhung ERO, AERO, Elections Officials, tlawmngaipawl aiawhte leh thutharthehdarhtute an tel a ni.