2215/2024-2025
Aizawl, 25.9.2024: Sorkar laipuia National AIDS Control Organisation (NACO) in HIV/AIDS leh STI do runpui Intensified IEC Campaign 2024 "India Fights Against HIV/AIDS & STI" kalpui tura ruahmanna a siam angin district hrang hrangah he natna chungchang inhrilhriatna leh inzirtirna neih mek a ni a. He campaign kal zelah hian vawiin khan Aizawl District ah chuan khuallian Aizawl DC Er. Lalhriatpuia, District AIDS Prevention and Programme Committee Chairman ni bawk hovin Vanapa Hall-ah HIV Youth Event buatsaih a ni.
He HIV Youth Event ah hian intihsiakna pathum - Debate, Flash Mob Dance, Placard design leh Photo Booth siam ah school leh college zirlai naupangte an inel a ni.
Khuallian Er. Lalhriatpuia, Aizawl DC chuan DAPCC hmalakna phur taka zirlai leh zirtirtu ten an tawiawmna chungah lawmthu a sawi a. HIV/AIDS leh STI laka fihlim turin leh a lo pun belh zel lohna tura hmalakna chuan awmzia a neih ngei a beisei thu a sawi. Aizawl DC chuan Mizorama HIV/AIDS a pun nasat zia leh inkaichhawn dan chhan lian ber en chuan inhrilhriatna hi nasa zual zawk a kalpui a tul zia a lang a ni, a ti a. Mizorama he natna vei zinga a tam ber chu thalai a nih avangin zirtirna hi thalai te zingah ngawrh taka kalpui a pawimawh em em thu a sawi. Thenkhtah chuan an vawi khat thil tihsual palh tlavanga heng natna hi kaiin, tihsual nei ve miahlohte hnenah he natna hi an kaichhawn leh zel thin tih hria in mitin mai kan fimkhur a tul a ni a ti a. Heng natna vei tawhte chuan inenkawlna tha leh an mamawh damdawi te an ei theih nan thinhtik mai lovin a tul anga kan inpuih tlan zawk a pawimawh thu DC chuan a sawi a. 'Peer pressure' chu inthlemna langsar tak ni thin mahse chin tha zawk, nun kawng tha zawk zawh tura insiamthat nawn pawh a hman tangkai thei thu a sawi a. HIV/AIDS leh STI natna hrang hrang tirem a do hneh tur chuan mitin in mawhphurhna kan nei vek a ni, a ti.
He hunah hian Pi Carolyn Rinthanpuii Fanai, SDEO, Aizawl West District chuan kalkhawmte lawmna thu sawiin, intihsiakna hrang hrang a tithate hnenah lawmman semna neih a ni a. Dr. R. Lalnienga, Dy. CMI Aizawl West District, DAPCC Member Secretary ni bawk chuan lawmthu sawiin hun a khar a ni.
Category hrang hranga lawmman dawngtute chu hengte hi an ni:
Debate (High School Category):
1) Vanlalchhuanawma, Govt. Mizo HSS
2) Lallawmzuala Hamte, Neuhof English Medium School
3) Lalhlimpuia Sailo, Kids Care School, Ramhlun South
Debate (Hr. Sec. School Category):
1) Marina K. Zoliansangi, Govt. Mamawii HSS
2) Zorinpuia, Synod HSS
3) C. Lalsangzuala, Govt. Mizo Higher Secondary School
Flash Mob:
1) Pachhunga University College Team -2
2) Govt. T. Romana College
3) Pachhunga University College Team -1
Placard Design Competition (High School Category):
1) Ruth Lalrinnungi , Presbyterian English School, Ramthar
2) Lalnunfeli, Edenthar High School
3) Lalhmangaihzuali, St. Stephen School. Ramhlun North
Placard Design Competition (HSS Category):
1) H. Lalhmingmawia, St. Stephen School, Ramhlun N
2) Moses Vanlalhruaitluanga, St. Stephen School, Ramhlun N
3) CS Lalhmingmawia, Govt. Republic Higher Secondary School
Placard Design Competition (College Category):
1) Malsawmkima, Govt. Aizawl College
2) Vanlalnuntluanga, Govt. Aizawl College
3) John Engdingliana, Govt. J. Thankima College
Photo Booth Making Competition:
1) Synod Higher Secondary School
2) Govt. Mamawii High School
3) Modern English High School
Attachment
- Loading attachment...
