2214/2024-2025

Saitual, the 25th September, 2024: Vawiin chawhnu dar 1:30 PM khan DC Conference Room, Saitualah District Level Committee on Pradhan Mantri Jan Vikas Karyakram (PMJVK) chu District Bawrhsap Dr. Lalngura Tlau kaihhruaina hnuaiah an thu khawm.  

He thutkhawmah hian PMJVK scheme inhrilhhriatna hun neih a ni a, Committee hnuaia awm department te chuan an project proposal neihte power point hmangin sawizauna hun an hmang a. Project proposal te chu Keifanga Sports Complex siamte, ram ngaw tihchereuna kawnga hma laka thingphun uarte, working women's hostel Ngopaa siamte, Hrianghmuna High School sakte, Govt. Primary School-I Ngopaa sakte, Hliappuia Ginger Processing Centre siamte leh Community Centre Teikhanga sak te a tel a. Heng bakah hian Phuaibuanga basketball court leh Minority girls hostel sakte, Multipurpose Community Centre Phullena sakte, Primary Health Centre zauhte, Saitual District chhunga zirna in hrang hranga ECCE classroom siamte, Saitual Hospitala blood bank siamte leh Multipurpose Community Centre Saituala sakte a tel a ni.

He hun hi District Bawrhsap Dr. Lalngura Tlau chuan kai hruaiin, PMJVK scheme hi Committee Secretary, SDO (Sadar) Pu Lalthakima chuan a sawifiah a. Department hrang hrang project proposal power point hmanga sawizauna hi Addl. SP, Project Director, DRDO, SDO (Civil) Ngopa, BDO Phullen, CMO leh DEO ten an nei a, an project proposal te chu September ni 30, 2024 hmain District Bawrhswp kaltlanga thehluh tur a ni.

PMJVK -Pradhan Mantri Jan Vikas Karyakram hi Sawrkar laipuiin a tanpuina a duan (Centrally Sponsored Scheme) zinga pakhat a ni a. He scheme hi Ministry of Minority Affairs hnuaia mi niin ram hmasawnna atana scheme pawimawh tak a ni.