DIRECTORATE OF INFORMATION & PUBLIC RELATIONS, Government of Mizoram, India

2216/2024-2025

Aizawl, 25.9.24: Vawiin chawhnu khan Aizawl District Bawrhsap Er. Lalhriatpuia hovin a pisa ah Mizoram Taxi Association (MTA) Lengpui Branch, All Mizoram Car Rental Service (AMCRA) leh All NGO Lengpui aiawhte an inkawm a. Lengpui Airport a pawl pahnih ten passenger phur a an service dan tur chungchang sawihovin inremna an siam.

Bawrhsap hova inkawmnaah hian All NGO Lengpui aiawh chuan sawihawnna neiin, chumi zawh chuan MTA Lengpui Br leh AMCRA aiawhte'n an kalphung leh harsatna an tawh te leh kal zel an duh dan te an sawifiah ve ve a. Sawihona an neih hnu in heti hian thutlukna an siam a ni:

Airport Terminal Building chhungah MTA Lengpui Branch leh AMCRA ten counter a hrang ve ve in an nei ang a. AMCRA ten ni khatah lirthei 25 an inchhawp thei ang a. Passenger in lirthei hman duh bik a lo nei a nih a, chung lirthei 25 zingah a awm loh chuan a dang koh belh thei a ni dawn a ni.

He an inkawmnaah hian Addl. DC, Aizawl District SP, DIPRO, SDPO leh SDC te an tel a ni.

Attachment