2217/2024-2025
Dated Aizawl the 25th September, 2024 : Nimin Ni 24, September 2024 (Thawhlehni) chawhnu khan Power Minister Pu F. Rodingliana chuan a Office Chamber-ah P&E Department hotute nen kawlphetha semchhuah kawnga energy loss tihtlem dan tur leh revenue lakluh kawnga hmasawnna neih dan tur an sawiho.
He Meeting ah hian Circle hrang hranga SE theuh ten an bial chhunga consumer te bill pek dan leh bill collection chungchanga hmasawnna atana rawtna an neihte power point presentation hmanga entir in sawihona neih a ni.
Consumer ten a hun taka eng chhit man an pek pawimawhna te, dan ang thlapa dik taka electric connection pawh chu mipui te tan a him zawk thu te leh meter reading chungchangte pawh uluk lehzual a in zirtir a pawimawh thu leh hmalak dan tur hrang hrang sawiho a ni.
Tunhnaia electric hrui leh transformer-te a thar a thlak mek anih avangin mipuiten power supply an dawn that loh dan te sawiho niin, power tikhaihlak tlem zawnga chak zawka hna thawh dan tur an sawiho bawk.
Sorkar Department thenkhat in power bill an bat nasat avanga performance report a thalo zawnga a nghawng dan te leh he harsatna su kiang tura Department dangte nen thawhhona tha zawk neih dan turte sawiho a ni.
Department chhunga thawktu indaihlohna tihkiannan nasa zawka outsourcing kalpui chungchang sawiho a ni a, tun dinhmuna Suangpuilawn leh Phuaibuang khua te outsourcing kalpui mek zirchianna mumal tak neih ni se an ti bawk.
Aizawl area chhunga power distribution line dinhmun tihthat zawkna turin leh dik zawka billing tih anih theih nan power hmang tam consumer te connected load MDI (Maximum Demand Indicator) te reading la a, zirchianna nei turin ruahmanna siam a ni.
He meeting ah hian Pi K. Lalrinzuali, Power Secretary, Pu H Zonunsanga, Engineer-in-Chief, Chief Engineer te leh Power Circle enkawltu Superintending Engineer te an tel a ni.
Attachment
- Loading attachment...
