2218/2024-2025

2024 Mimkut thla ni 25: Vawiin khan Lunglei District Level Red Ribbon Quiz Competition chu Synod Mission Centre Conference Hall, Lungleiah buatsaih a ni a. School panga (5) - Sacred Heart Higher Secondary School, D&D Higher Secondary School, Serkawn Sikulpui, 2nd Bn MAP English Medium School leh Adventist English School te inelin, 2nd Bn MAP English Medium School chu pakhatna an ni.

Vawiina District Level Red Ribbon Quiz Conpetition-ah hian District AIDS Control Officer Dr K. Lalhmachhuana chuan ṭhangthar leh ṭhalaite zingah HIV leh sex aṭanga natna inkai chhhawn theih, STI a hluar em avangin he'ng natna chungchang inzirtirna ṭha a pawimawh tih sawiin, inzirtirna chi khat atan quiz competition pawh chu buatsaih a nih thu a sawi a. Quiz competition a hlawhtlin nana hma latu District AIDS Prevention & Control Committee member-te, School Education Department leh zirna in hrang hrangte chungah lawm thu a sawi a ni.

School Level Red Ribbon Quiz Competition chu ni 20.09.2024 (Zirtawpni) khan buatsaih lo ni tawhin, school level-ah hian Lunglei District chhunga school sawmpali (14) te an inel a. Heta ti ṭha school 5 te hi district level-ah inel ve lehin, district level winner 2nd Bn MAP English Medium School hian State Level Red Ribbon Quiz Competition-ah Lunglei District ai an awh ang a; state level-a ti ṭhate hian regional leh national level inelna an hmachhawn leh ang.



Attachment

  • Loading attachment...