1719/2023-2024

Aizawl, 31.08.2023: Vawiin chawhnu khan Aizawl DC office conference hall-ah Aizawl District chhunga Special Summary Revision of Electoral Roll, 2023 kalpui mek chungchangah Electoral Roll Observer Dr. Lalzirmawia Chhangte hovin meeting neih a ni.

Electoral Roll Observer Dr. Lalzirmawia Chhangte chuan roll rin tlak nei turin a mawhphurtu officer te leh political party leh tlawmngai pawlte an pawimawh tlan vek thu a sawi a. India khua leh tui, vote nei thei tawh te roll a thun mai bakah roll atanga paih ngai – mitthi leh hmun danga awm tawh chungchangah pawh fimkhur taka bawhzui a pawimawh thu a sawi a ni.

Meeting-ah hian ERO, AERO leh official dangte bakah Political party hrang hrang leh tlawmngai pawl aiawh an tel a. Aizawl District a roll revision neih mek a dinhmun tlangpui Election Officer Pu Lalnunfela Chhangte chuan a tarlang a. Political Party leh tlawmngai pawl aiawhte hnen atangin zawhna awmte chhangin inkawmna hun hman a ni.